მეცხრე დღის რეფლექსია

დღევანდელი დღე იყო ყველაზე საინტერესო, მოვისმინეთ ერთმანეთის პრეზენტაციები, გავცვალეთ აზრები, გავაკეთეთ შეფასებები და მივეცით რეკომენდაციები ერთმანეთს. ბევრი კარგი ინფორმაცია მივიღე, რომელიც დამეხმარება შემდგომი პრეზენტაციებისთვის. ძალიან დიდი მადლობა ქალბატონ ლალის გაწეული მუშაობისთვის და დიდი ძალისხმევისთვის,

მერვე დღის რეფლექსია

მერვე დღე ძალიან დატვირთული იყო. გავაკეთეთ მასწავლებლის პრეზენტაცია,გავიხსენეთ პრეზენტაციის ატვირთვა ბლოგზე, სურათებისა და გვერდების ჩასმა,მრავლისმომცველი და საინტერესო დღე იყო.

მასწავლებლის პრეზენტაცია

მეშვიდე დღის რეფლექსია

      ტრენინგი დაიწყო საინტერესოდ,გავიხსენეთ ნასწავლი მასალა. ვიმუშავეთ დიფერენცირებული სწავლების კითხვარზე, რომელიც ავტვირთეთ შეფასებებში და მოვაწესრიგეთ პორთფოლიოები.

მეექვსე დღის რეფლექსია

  განვიხილეთ მოსწავლეების პრეზენტაციები, ვისწავლეთ პრეზენტაციების ბლოგზე განთავსება გავიხსენეთ დიაგრამებისა და სმარტების ჩასმა პრეზენტაციებში.ასევე ვისწავლეთ მოსწავლეების პროექტების შეფასება, დავალება გვაქვს გადავათვალიეროთ ბლოგი და შევიტანოთ შესწორებები.

მოსწავლის ნიმუში

მეხუთე დღის რეფლექსია

    განვიხილეთ შეფასების დროის ჩარჩო, კერძოდ: შეფასების მეთოდები და ინსტრუმენტები.გავაკეთეთ შეფასების ანალიზი.გავეცანით საავტორო უფლებების დაცვაზე  პრეზენტაციას, მივიღეთ რეკომენდაცია მოსწავლის სავარაუდო ნაშრომისათვის ყველა გამოყენებული ბმული მივუთითოთ, მივიღეთ საშინაო დავალება მოსწავლის სავარაუდო ნაშრომის პრეზენტაციის  შესახებ.

მეოთხე დღის რეფლექსია

    მეოთხე დღეს განვიხილეთ მიმართულების მიმცემი საკვანძო კითხვები და ჩვენი პროექტებისთვის ჩამოვაყალიბეთ ზოგადი, თემატური და შინაარსობრივი კითხვები.გავეცანით კოლეგების ნაშრომებს და მივეცით უკუკავშირი.
   დავიწყეთ შეფასების ჩარჩოს განხილვა, გავეცანით გზამკვლევს სახელმძღვანელოში. ჩავინიშნეთ საშინაო დავალება

მიმართულების მიმცემი საკვანძო კითხვები

ზოგადი კითხვა:

1.როგორ მივიღო ის, რაც მინდა?

თემატური კითხვა:

1.რამდენად მნიშვნელოვანია  თავისუფალი დროის რაციონალურად გამოყენების ცოდნა?
 2.როგორ იყენებთ თქვენ თავისუფალ დროს?

შინაარსობრივი კითხვები:

1.როგორ  თარგმნით ფრაზას"ჯიბის ფული"?
2.რომელი მეტყველების ნაწილი დაგეხმარებათ შედარების გასაკეთებლად?
3.რომელ გრამატიკულ დროს გამოიყენებთ მომავალი მოქმედების გამოსახატავად?

სასწავლო პროექტის მიზნები

მოსწავლეები შეძლებენ ეფექტურ  კომუნიკაციას და თანამშრომლობას;

მოიძიებენ  ინფორმაციას ქართველი და ამერიკელი თინეიჯერების ცხოვრებაზე;
მოახდენენ მოძიებული ინფორმაციის კრიტიკულ და კომპეტენტურ შეფასებას, 
გამოიყენებენ ინფორმაციის ზუსტად და შემოქმედებითად მოცემულ საკითხთან თუ პრობლემასთან დაკავშირებით;
გაანალიზებენ  მიღებულ შედეგებს ქართველი და ამერიკელი თინეიჯერების ცხოვრებაზე;

მიღებული კვლევის საფუძველზე მოამზადებენ პრეზენტაციას ინგლისურ ენაზე, შექმნიან ბროშურას და წარადგენენ აუდიტორიის წინაშე.

მეორე დღის რეფლექსია

დავიწყეთ ბროშურაზე მუშაობა და დავალებად მივიღეთ, რომ ბლოგზე ჩავასწოროთ და საბოლოოდ დავხვეწოთ პროექტის შინაარსი და დავასრულოთ ბროშურაზე მუშაობა სახლში.

პროექტის იდეა

                              თინეიჯერები საქართველოსა და აშშ-ში


   მოსწავლეებს მოიძიებენ ინფორმაციას სასკოლო ცხოვრების შემდეგ როგორ ატარებენ თავისუფალ დროს თინეიჯერები საქართველოში, მაგრამ არ ფლობენ სრულყოფილ ინფორმაციას თანატოლებზე, რომლებიც აშშ-ში ცხოვრობენ.ინტერნეტიდან მიღებული ინფორმაცია მწირია, ამიტომ მოსწავლეები ეცნობიან თანამედროვე პრესას. მათ აინტერესებთ მათი მისწრაფებები,  თავისუფალი დროის რაციონალურად გამოყენების საშუალებები, ჯიბის ფულის შოვნა ნაწილობრივი სამუშაოს ხარჯზე და  მათი დამოუკიდებლობის ხარისხი.
   მოძიებულ მასალას მოსწავლეები დაახარისხებენ,გაანალიზებენ  ქართველ და ამერიკელ თანატოლთა საერთო და განსხვავებული ინტერესების ამსახველ მასალებს და გააკეთებენ პრეზენტაციას.



 

ინტელის ტრენინგი დაიწყო

დღეს გავეცანით ტრენინგის მიზანს. გავეცანით ინტელის ელექტრონულ სახელმძღვანელოს და შევქმენით ბლოგები, განვიხილეთ 21-ე საუკუნის უნარ-ჩვევები,შევქმენით ახალი პორტფოლიო, განვიხილეთ, თუ როგორ შეიძლება სასწავლო პროცესის გაუმჯობესება თანამედროვე ტექნოლოგიების გამოყენებით, კერძოდ, პროექტებით სწავლება, რომელიც  მოსწავლეებში შემოქმედებითი უნარების გაუმჯობესებას უწყობს ხელს.